viernes, 14 de noviembre de 2014
Tamuxe destacou en Os Seixiños a riqueza arqueolóxica de Salcidos
11:55
A Guarda, Arqueología, Joaquín Miguel Villa Álvarez, O Rosal, Salcidos, Xoán Martínez Tamuxe
Comentarios
Este
xoves 13 de novembro celebrouse no Bodegón Os Seixiños en A Gándara (A Guarda)
a conferencia do escritor e investigador rosaleiro Xoán Martínez Tamuxe, que
levou por título “A Prehistoria entre a Gándara e Salcidos”.
Asistiron
a este evento, ademais dos propios veciños da parroquia e arredores, os
concelleiros de Cultura e de Patrimonio do concello guardés, Antonio Lomba e
Javier Crespo, así como a responsable de cultura do Rosal, Charo Tabales e a
tenente de alcalde, Mª Carmen Alonso.
Igualmente,
destacar a presenza do profesor e doutor en Historia, Joaquín Miguel Villa Álvarez, quen foi o prologuista do libro de Tamuxe
sobre Salcidos e que confirmou a súa participación, prometendo tamén pronunciará
unha conferencia nestas xornadas socioculturais organizadas no local que dirixe
Sergio Rodríguez “Trinta”.
Martínez
Tamuxe comezou a súa intervención lembrando que tomaba, precisamente, como
fonte documental, o libro Parroquia de
San Lorenzo de Salcidos. Aproximación histórica. Padroado dos Condes de Priegue,
realizando unha reseña sobre a etimoloxía dos topónimos principais da parroquia
(Salcidos, A Gándara, Seixiños…).
O
conferenciante, cunha proxección de fotografías inéditas, explicou todas as
curiosidades dos xacementos máis importantes da zona, á vez que facía
referencia ás pezas do Paleolítico, Mesolítico, Neolítico, Idade do Bronce e
Romanización, que nese momento estaban expostas no local.
Tamuxe,
nesta novidosa conferencia, resaltou a riqueza das distintas estacións de petróglifos
que se atopan no Monte Torroso ou a importancia dos castros de A Bandeira,
Cividáns e o asentamento romano da Proba.
jueves, 6 de noviembre de 2014
Conferencia de Xoán Martínez Tamuxe sobre a Prehistoria de Salcidos
O vindeiro xoves 13 de novembro, ás 20:00 horas, o
escritor e historiador Xoán Martínez Tamuxe ofrecerá unha interesante charla-conferencia
sobre A Prehistoria entre A Gándara e
Salcidos (A Guarda) que terá lugar no noso local.
Segundo afirma o xerente, Sergio Rodríguez Trinta, "esta conferencia é a primeira dunha serie de xornadas
–libres e gratuítas- que se organizarán nos meses de novembro e decembro con
motivo do I aniversario da nosa inauguración o pasado 21 de decembro de 2013".
Xoán Martínez Tamuxe, recoñecido arqueólogo e autor do
libro Parroquia de San Lorenzo de
Salcidos. Aproximación histórica, desvelará coa súa acostumada e sabia
oratoria, moitos dos segredos que agochan os gravados ou os castros da zona.
Igualmente haberá unha pequena mostra de material prehistórico e proxección de imaxes
dos xacementos arqueolóxicos máis importantes.
*Xoán MartínezTamuxe (O Rosal, 1930). Historiador, arqueólogo e investigador. Autor de máis dunha ducia de libros, cofundador do Equipo Arqueolóxico do Baixo Miño, é membro do Instituto Padre Sarmiento (Sección de Arqueoloxía) de Santiago de Compostela (1979), da Asociación Colegial de Escritores de España (1982), Grupo de Arqueoloxía Alfredo García Alén de Pontevedra (1983), membro colaborador do Departamento de Prehistoria da Universidade de Santiago (1984). Dende o ano 2007 é o presidente do Instituto de Estudios Tudenses.
Agardámosvos, pois, o vindeiro xoves 13 de novembro. A entrada, como sempre, é libre e gratuíta. Estamos na rúa Regudíns 4 (Praza dos Seixiños, A Gándara-A Guarda). ¡Saúdos a todos/as!
*Xoán MartínezTamuxe (O Rosal, 1930). Historiador, arqueólogo e investigador. Autor de máis dunha ducia de libros, cofundador do Equipo Arqueolóxico do Baixo Miño, é membro do Instituto Padre Sarmiento (Sección de Arqueoloxía) de Santiago de Compostela (1979), da Asociación Colegial de Escritores de España (1982), Grupo de Arqueoloxía Alfredo García Alén de Pontevedra (1983), membro colaborador do Departamento de Prehistoria da Universidade de Santiago (1984). Dende o ano 2007 é o presidente do Instituto de Estudios Tudenses.
Agardámosvos, pois, o vindeiro xoves 13 de novembro. A entrada, como sempre, é libre e gratuíta. Estamos na rúa Regudíns 4 (Praza dos Seixiños, A Gándara-A Guarda). ¡Saúdos a todos/as!
Suscribirse a:
Entradas (Atom)